Wala Lang... (Sabi Ko)

Mahal mo siya, subalit hindi niya alam. Gusto mong sabihin sa kanya, Subalit pinangungunahan ka ng takot at hiya. Ipagkakait mo ba sa iyong sarili ang ito’y kanyang malaman o lihim mo na lamang siyang mamahalin

Ipahayag mo ang iyong tunay na nararamdaman … iyon ang dapat mong gawin… kalimutan ang hiya at huwag mong pagsisisihan pagkatapos… walang mali, pangit o mahalay sa iyong gagawin… Ang umibig siguro ang pinakamagandang Bagay na maaari mong ipagkaloob sa iyong sarili… Sabihin mo na ngayon, huwag mong palampasin ang iyong magandang pagkakataon kung ayaw mong ito ay lumayo at tuluyang maglaho na hindi mo man lamang nalaman… na maaaring mahal ka rin niya… Subalit paano kung pag-ibig mo’y tanggihan? Tatalikod ka na lamang ba at iiyak… Huwag kaibigan, sa halip batiin mo ang iyong sarili, dahil ginawa mo ang nararapat… Bukas maaring umibig kang muli…

Talikuran ang pagluha at humarap ng may ngiti sa iyong mga labi… Mas mabuti na ikaw ay nagmahal at nabigo kaysa hindi mo natutunang umibig ni minsan… Oo, malungkot at kung minsan sobrang sakit pero hindi mo ba naisip na higit na mas masakit Kung ikaw ay mumukmok na lamang at habang buhay na maghihintay sa pagsintang sa’yo ay lumapit at manatili ….. maaring hindi na ito dumating.

(posted from my old blog)

Hanggang Kailan Ka Dapat Magmahal?

Mahal mo siya subalit may mahal na syang iba..
May mahal na siyang iba pero nag papakita sya ng motibo sa’yo..
Umasa ka, pinaasa ka naman niya.
Akala mo kayo na hindi pa pala.
Sinasabi niya mahal ka niya, pero nararamdaman mo ba?

Malambing siya kapag nag tetext kayo
Pero pag magkasama kayo parang may iba siyang mundo.
Sinusuyo ka niya, pag may kailangan siya
Kinikilig ka naman, inuuto ka lang pala.

Tanga ka ba, o sadyang mahal mo lang siya?
Hanggang kalian mo siya mamahalin?
Hanggang may luha ka pang mailuluha?
Hindi ka ba napapagod…hindi ka ba nasasaktan?

Tunay ka bang maligaya?
Masaya ka lang sa mga sandaling andiyan siya.
At kung sakaling malingat ka,
Iba na ang kanyang kasama.
Mahal ka ba niyang talaga?

Hanggang kalian ka dapat mag mahal?
Gumising ka…
Kalimutan mo na siya…
Walang namang mawawala sa ‘yo,
Pag nag patuloy ka ikaw ang talo...

Huwag mo sayangin ang pagmamahal na kaya mong ibigay.
Magtira ka..Ilaan mo sa iba na tunay na nagpapahalaga..
Mahalin mo ang sarili mo..
Sa ganitong punto..ikaw muna bago sila…

Dapat matuto ka na..
Dapat alam mo na…
Pag nagmal ka, kailangan kayong dalawa..
Hindi ikaw lang...
Kailangan mahal ka rin nya…